![](/burger-guy-350.png)
Heilbrigt samband við mat
Áhersla okkar er að veita þér ráðgjöf, stuðning og fræðslu í átt að heilbrigðu sambandi við mat. Hjá okkur lærirðu að hlusta á eigin líkama frekar en að fylgja fyrirmælum annarra. Heilbrigðar venjur, traust á eigið innsæi og þekking á næringu eru lykilþættir sem við skoðum til að byggja upp traustan grunn sem endist.
![](/coffee-girl-350.png)
Jákvæð heilsa
Markmið okkar er að þú færist nær jákvæðri heilsu með því að byggja upp heilbrigt samband við mat. Jákvæð heilsa er heildræn nálgun á heilbrigði. Nálgunin er byggð á getu þinni til að takast á við líkamlegar, tilfinningalegar og félagslegar áskoranir í lífinu. Áherslan er því lögð á seiglu og hvað gefur lífi þínu tilgang í stað veikinda og sjúkdóma.
![](/green-girl-350.png)
Áhugahvetjandi samtal
Þjónusta okkar er byggð að mestu á aðferðafræði áhugahvetjandi samtals. Aðferðafræðin hefur reynst skilvirk leið til að hjálpa einstaklingum að takast á við erfiðar og flóknar lífstílssbreytingar. Tilgangurinn er að vekja upp þína innri hvata til breytinga sem eykur líkurnar á langvarandi árangri.